Dagaaladii iyo duqeymihii caawa ilaa galabta ka dhacay Magaalada Muqdisho oo u muuqday in ay ahaayeen kuwa ugu darnaa ee ka dhacay Magaalada Muqdisho ayaa dhinacyadii ay u dhaxeeyeen waxaa uu midka midka kale ka sheeganayaa guul ku aadan dagaaladaasi.
Max’ed Cusmaan Caruus oo ah afhayeenka dhanka howlgalada Ciidamada Ururka Xisbul Islaam oo la hadlayay Idaacada Shabelle ayaa sheegay in ay galabta weerareen fariisinka ciidamada AMISOM iyo kuwa dowladda ay ku leeyihiin Magaalada Muqdisho gaar ahaan wadada Makka Al Mukarama waxaana uu qasaarihii ka soo gaaray dagaalkaasi dadka shacabka dusha uga tuuray dowladda KMG iyo ciidamada AMISOM.
Dhanka kale Sheekh C/risaaq Max’ed qeylow oo ah afhayeenka ciidamada daraawiishta dowladda KMG ee Soomaaliya oo ay la xariirtay Idaacada Shabelle ayaa waxaa uu sheegay in dagaalada iyaga lagu soo qaaday islamarkaana aanay jirin cadeyn uu u hayo qasaaraha ciidamada dowladda ka soo gaaray dagaalkaasi.
Hadaladaani is bursiga ah ayaa imaanaya xili Galabta ilaa Caawa Magaalada Muqdisho ay ka dhacayeen dagaalo qaraar oo u dhaxeeya ciidamada dowladda iyo kuwa Ururka Xisbul Islaam kuwaasi oo qasaare badan ay shacabka ka soo gaareen.
| < Prev | Next > |
|---|
BBC 04:00 GMT 
